“Tamyanawt n walsiwn idvrann d isayrurn ijyugrafn lli dar tindi: Afad ad yili yan umnid amaynu v tvuriwin n tskla tamaDlant”

Ar issiggil usnfar n urzzu amassan lli  igan s wassav “Tamyanawt n walsiwn idvrann d isayrurn ijyugrafn lli dar tindi: Afad ad yili yan umnid amaynu v tvuriwin n tskla tamaDlant” gh igran isklann imyannawn ggutnin v tannayt n wamunn lli dar tlla tamyanawt n walsiwn.

Tawstaynt tmnaDin  n iZZlmD n Lhind d  iZZlmD n Ifriqya d Yisk n Ifriqya s usrag n tmyurin nnsnt tidlsanin ganin mnnawt: tid ittyaran d tid ittyawnnan v tfrkt izwarn asdurri, d s usrag n tirmit nnsnt  d usdurri d tmmuri tanamurt. Rad d yawi usnfar ad f kRaD izmaz: 1. Azemz izwarn asdurri. 2. azmz n tsimant d usdrfi anamur. 3. Azmz ad lli ittawssann s tsmaDalt.

Asnfar ad rad ibdd f tmyavt tadvrant n tmyurin  tidlsanin d imyannatn gh mad iZlin s urmmis n tskla tamaDlant d wanawn iqburn d imaynutn n tmyanawt n walsiwn. Rad nn issaggw ula imsggarn idlsann imyaghn d tvarasin n usiggz d usmrs amiwan.

Awttas n usnfar ad iga t ad yaf mgal n urmmis amzruyan lli f tska tiZiRt n “timizar n umaDal” lli iDfRn i usagraw amaDlan lli iskrn v uRubba  ammas nns ambryali.

Asnfar da isrus yat tbridt tamaynut lli issntiyn zv isayrurn idvrann ssnnin tamyanawt n walsiwn afad ad issivZin mas d asnfl adlsan ad igan tavarst lli iZDaRn ad tvr  imussutn d izzigzn isklann. Tawngimt n wammas d tsggwin ur tga amr yan wanaw n wanawn n usmrs n tskla. Mkad as tettuska tskla tuRubbiyt.

Ar ittwatas usnfar ad ad ittawskar yan ukccum dar tindi v igr n tzrawin n tskla tamaDlant d tikki n tvarasin d wanawn d imdyatn lli rad yaws i tannayt ittinin mas d tmyanawt tadvrant n walsiwn d isayrurn ijiyugrafn lli dar tlla yat tndi tamnnawt tZDaR ad tsku yat tbridt d yusan i tvri n tskla tamaDlant v kigan n tmnaDin n umaDal lliv tga uRubba yat. Asfar ad rad  iskr imdiwiln istRatijiyn d imrzutn d imaratn v tsggwin v tlla tsdawit iZlin i tzrawin tasyawin d tifriqiyin. Awd imrzutn v tgldiyt imunn d uRubba.

Asnfar n tmanawt n usnils advaran d isayrutn ijyugrafiyn lli dar atig (amulusigiy) ira ad ifrn tavarast n tskla tamaDlant lli issmsin vas xf tutlayt tinglizt lli igan tutlayt n tskla tamaDlant ma ann af ira ad izzugz usnfar tifawt xf tamanawt n usnils d imswuritn imagutn lli ittawsn v ili n ubaraz n tskla g uswir asgawan d umaDlan.  G udvar n ussmsi xf tmagunt n uDfar n tDfrt n utaram g tvarasin n tskla rad isigl usnfar af ad iml inawurn n ufran d usnflul ngr   tdlsiwin.

S aylli nssn ur illi unyalkam asklan usrid gr iZZlmD n lhind d iZZlmD n ifriqya d yisk n ifriqya mk ann af rad ur idul usnfar nnv s ad yaf timnaDin n umus nv d anyalkam adlsan macc rad idul s tyafa n imdyatn n usmzazal. Iga usmzazal yan yimiss ihyyan lli rad av issiwD s wawttas nnv rad nfk yan usaka yaDn i ulmmud n tskla tamaDlant lli d issntin tawada nns sg isayrurn idvrann n tskla. D lli yufan ad tsmd abrid nns vil ad lli nit iduln s usmrs amaDlan i yiDRiSn  isklann. Mk lli rad ikk usaka nnv advar n tvarast irxan n vil ad lli ittwayskan f yirm n wammasn irubbiyn d tamwin tisyawiyi-tifriqqiyin.