ⵜⴰⵎⵢⴰⵏⴰⵡⵜ ⵏ ⵡⴰⵍⵙⵉⵡⵏ ⵉⴷⵖⴰⵔⵏ ⴷ ⵙ ⴰⵢⵔⵓⵔⵏ ⵉⵊⵢⵓⴳⵔⴰⴼⵏ ⵍⵍⵉ ⴷⴰⵔ ⵜⵉⵏⴷⵉ: ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵏⵉⴷ ⴰⵎⴰⵢⵏⵓ ⵖ ⵜⵖⵓⵔⵉⵡⵉⵏ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ
ⴰⵔ ⵉⵙⵉⴳⴳⵉⵍ ⵓⵙⵏⴼⴰⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⵍⵍⵉ ⵉⴳⴰⵏ ⵙ ⵡⴰⵙⵙⴰⵖ “ⵜⴰⵎⵢⴰⵏⴰⵡⵜ ⵏ ⵡⴰⵍⵙⵉⵡⵏ ⵉⴷⵖⴰⵔⵏ ⴷ ⵙⴰⵢⵔⵓⵔⵏ ⵉⵊⵢⵓⴳⵔⴰⴼⵏ ⵍⵍⵉ ⴷⴰⵔ ⵜⵉⵏⴷⵉ: ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵏⵉⴷ ⴰⵎⴰⵢⵏⵓ ⵖ ⵜⵖⵓⵔⵉⵡⵉⵏ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ ” ⵖ ⵉⴳⵔⴰⵏ ⵉⵙⴽⵍⴰⵏ ⵉⵎⵢⴰⵏⵏⴰⵡⵏ ⴳⴳⵓⵜⵏⵉⵏ ⵖ ⵜⴰⵏⵏⴰⵢⵜ ⵏ ⵡⴰⵎⵓⵏ ⵍⵍⵉ ⴷⴰⵔ ⵜⵍⵍⴰ ⵜⴰⵎⵢⴰⵏⴰⵡⵜ ⵏ ⵡⴰⵍⵙⵉⵡⵏ. ⵜⵜⴰⵡⵙⵜⴰⵢⵏⵜ ⵜⵎⵏⴰⴹ ⵏ ⵉⵥⵣⵍⵎⴹ ⵏ ⵍⵀⵉⵏⴷ ⴷ ⵉⵥⵣⵉⵍⵎⴷ ⵏ ⵉⴼⵔⵉⵇⵉⵢⴰ ⴷ ⵢⵉⵙⴽ ⵏ ⵉⴼⵔⵉⵇⵉⵢⴰ ⵙ ⵓⵙⵔⴰⴳ ⵏ ⵜⵎⵢⵓⵔⵉⵏ ⵏⵏⵙⵏⵜ ⵜⵉⴷⵍⵙⴰⵏⵉⵏ ⴳⴰⵏⵉⵏ ⵎⵏⵏⴰⵡⵜ: ⵜⵉⴷ ⵉⵜⵜⵢⴰⵔⴰⵏ ⴷ ⵜⵉⴷ ⵉⵜⵜⵢⴰⵡⵏⵏⴰⵏ ⵖ ⵜⴼⵔⴽⵜ ⵉⵣⵡⴰⵔⵏ ⴰⵙⴷⵓⵔⵔⵉ, ⴷ ⵙ ⵓⵙⵔⴰⴳ ⵏ ⵜⵉⵔⵎⵉⵜ ⵏⵏⵙⵏⵜ ⴷ ⵓⵙⴷⵓⵔⵔⵉ ⴷ ⵜⵎⵎⵓⵔⵉ ⵜⴰⵏⴰⵎⵓⵔⵜ. ⵔⴰⴷⴷ ⵢⴰⵡⵉ ⵓⵙⵏⴼⴰⵔ ⴰⵙ ⴼ ⴽⵔⴰⴹ ⵉⵣⵎⴰⵣ: 1. ⴰⵣⴻⵎⵣ ⵉⵣⵡⴰⵔⵏ ⴰⵙⴷⵓⵔⵔⵉ . 2. ⴰⵣⴻⵎ ⵏ ⵜⵙⵉⵎⴰⵏⵜ ⴷ ⵓⵙⴷⵔⴼⵉ ⴰⵏⴰⵎⵓⵔ. 3. ⴰⵣⴻⵎⵣ ⴰⴷ ⵍⵍⵉ ⵉⵜⵜⴰⵡⵙⵙⴰⵏⵏ ⵙ ⵜⵙⵎⴰⴹⴰⵍⵜ.
ⴰⵙⵏⴼⴰⵔ ⴰⴷ ⵔⴰⴷ ⵉⴱⴷⴷ ⴼ ⵜⵎⵢⴰⵖⵜ ⵜⴰⴷⵖⵔⴰⵏⵜ ⵏ ⵜⵎⵢⵓⵔⵉⵏ ⵜⵉⴷⵍⵙⴰⵏⵉⵏ ⴷ ⵉⵎⵢⴰⵏⵏⴰⵜⵏ ⵖ ⵎⴰⴷ ⵉⵥⵍⵉⵏ ⵙ ⵓⵔⵎⵎⵉⵙ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ ⴷ ⵡⴰⵏⴰⵡⵏ ⵉⵇⴱⵓⵔⵏ ⴷ ⵉⵎⴰⵢⵏⵓⵜⵏ ⵏ ⵜⵎⵢⴰⵏⴰⵡⵜ ⵏ ⵡⴰⵍⵙⵉⵡⵏ. ⵔⴰⴷ ⵏⵏⵉⵙⵙⴰⴳⵯ ⵓⵍⴰ ⵉⵎⵙⴳⴳⴰⵔⵏ ⵉⴷⵍⵙⴰⵏⵏ ⵉⵎⵢⴰⵖⵏ ⴷ ⵜⵖⴰⵔⴰⵙⵉⵏ ⵏ ⵓⵙⵉⴳⴳⵣ ⴷ ⵓⵙⵎⵔⵙ
ⴰⵎⵉⵡⴰⵏ. ⴰⵡⵜⵜⴰⵙ ⵏ ⵓⵙⵏⴼⴰⵔ ⴰⵙ ⵉⴳⴰ ⵜ ⴰⵙ ⵢⴰⴼ ⵎⴳⴰⵍ ⵏ ⵓⵔⵎⵎⵉⵙ ⴰⵎⵣⵔⵓⵢⴰⵏ ⵍⵍⵉ ⴼ ⵜⵙⵍⴰ ⵜⵉⵥⵉⵕⵜ ⵏ
“ ⵜⵉⵎⵉⵣⴰⵔ ⵏ ⵓⵎⴰⴹⴰⵍ” ⵍⵍⵉ ⵉⴹⴼⵕⵏ ⵉ ⵓⵙⴰⴳⵔⴰⵡ ⴰⵎⴰⴹⵍⴰⵏ ⵍⵍⵉ ⵉⵙⴽⵔⵏ ⵖ ⵓⵕⵓⴱⴱⴰ ⴰⵎⵎⴰⵙ ⵏⵏⵙ ⴰⵎⴱⵉⵔⵢⴰⵍⵉ. ⴰⵙⵏⴼⴰⵔ ⴷⴰ ⵉⵙⵔⵓⵙ ⵢⴰⵜ ⵜⴱⵔⵉⴷⵜ ⵜⴰⵎⴰⵢⵏⵓⵜ ⵍⵍⵓ ⵉⵙⵙⵏⵜⵉⵢⵏ ⵣⵖ ⵉⵙⴰⵢⵔⵓⵔⵏ ⵉⴷⵖⵔⴰⵏⵏ ⵙⵙⵏⵏⵉⵏ ⵜⴰⵎⵢⴰⵏⴰⵡⵜ ⵏ ⵡⴰⵍⵙⵉⵡⵏ ⴰⴼⴰⴷ ⴰⴷ ⵉⵙⵙⵉⵖⵥⵉⵏ ⵎⴰⵙ ⴷ ⴰⵙⵏⴼⵍ ⴰⴷⵍⵙⴰⵏ ⴰⴷ ⵉⴳⴰⵏ ⵜⴰⵖⴰⵔⴰⵙⵜ ⵍⵍⵉ ⵉⵥⴹⴰⵔⵏ ⴰⴷ ⵜⵖⵔ ⵉⵎⵉⵙⵙⵓⵜⵏ ⴷ ⵉⵣⵣⵉⴳⵣⵏ ⵉⵙⴽⵍⴰⵏⵏ. ⵜⴰⵡⵏⴳⵉⵎⵜ ⵏ ⵡⴰⵎⵎⴰⵙ ⴷ ⵜⵙⴳⴳⵡⵉⵏ ⵓⵔ ⵜⴳⴰ ⴰⵎⵔ ⵢⴰⵏⵡⴰⵏⴰⵡ ⵏ ⵡⴰⵏⴰⵡⵏ ⵏ ⵓⵙⵎⵔⵙ ⵏ ⵜⵙⴽⵍⴰ. ⵎⴽⴰⴷ ⴰⵙ ⵜⵉⵜⵜⵓⵙⴽⴰ ⵜⵙⴽⵍⴰ ⵜⴰⵕⵓⴱⴱⵉⵢⵜ.
ⴰⵔ ⵉⵜⵜⵡⴰⵜⴰⵙ ⵓⵙⵏⴼⴰⵔ ⴰⴷ ⴰⴷ ⵉⵜⵜⴰⵡⵙⴽⴰⵔ ⵢⴰⵏ ⵓⴽⵛⵛⵓⵎ ⴷⴰⵔ ⵜⵉⵏⴷⵉ ⵖ ⵉⴳⵔ ⵏ ⵜⵣⵔⴰⵡⵓⵏ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ ⴷ ⵜⵉⴽⴽⵉ ⵏ ⵜⵖⴰⵔⴰⵙⵉⵏ ⴷ ⵡⴰⵏⴰⵡⵏ ⴷ ⵉⵎⴷⵢⴰⵜⵏ ⵍⵍⵉ ⵔⴰⴷ ⵢⴰⵡⵙ ⵉ ⵜⴰⵏⵏⴰⵢⵜ ⵉⵜⵜⵉⵏⵉⵏ ⵎⴰⵙ ⴷ ⵜⵎⵢⴰⵏⴰⵡⵜ ⵜⴰⴷⵖⵔⴰⵏⵜ ⵏ ⵡⴰⵍⵙⵉⵡⵏ ⴷ ⵉⵙⴰⵢⵔⵓⵔⵏ ⵉⵊⵉⵢⵓⴳⵔⴰⴼⵏ ⵍⵍⵉ ⴷⴰⵔ ⵜⵍⵍⴰ ⵢⴰⵜ ⵜⵏⴷⵉ ⵜⴰⵎⵏⵏⴰⵡⵜ ⵜⵥⴹⴰⵔ ⴰⵙ ⵜⵙⴽⵓ ⵢⴰⵜ ⵜⴱⵔⵉⴷⵜ ⴷ ⵢⵓⵙⴰⵏ ⵉ ⵜⵖⵔⵉ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ ⵖ ⴽⵉⴳⴰⵏ ⵏ ⵜⵎⵏⴰⴹⵉⵏ ⵏ ⵓⵎⴰⴹⴰⵍ ⵍⵍⵉⵖ ⵜⴳⴰ ⵓⵕⵓⴱⴱⴰ ⵢⴰⵜ. ⴰⵙⴼⴰⵔ ⴰⴷ ⵔⴰⴷ ⵉⵙⴽⵔ ⵉⵎⴷⵉⵡⵉⵍⵏ ⵉⵙⵜⵕⴰⵜⵉⵊⵉⵢⵏ ⴷ ⵉⵎⵔⵣⵓⵜⵏ ⴷ ⵉⵎⴰⵔⴰⵜⵏ ⵖ ⵜⵙⴳⴳⵡⵉⵏ ⵖ ⵜⵍⵍⴰ ⵜⵙⴷⴰⵡⵉⵜ ⵉⵥⵍⵉⵏ ⵉ ⵜⵣⵔⴰⵡⵉⵏ ⵜⴰⵙⵢⴰⵡⵉⵏ ⴷ ⵜⵉⴼⵔⵉⵇⵉⵢⵉⵏ. ⴰⵡⴷ ⵉⵎⵔⵣⵓⵜⵏ ⵖ ⵜⴳⵍⴷⵉⵢⵜ ⵉⵎⵎⵓⵏ ⴷ ⵓⵕⵓⴱⴱⴰ. ⴰⵙⵏⴼⴰⵔ ⵏ ⵜⵎⴰⵏⴰⵡⵜ ⵏ ⵓⵙⵏⵉⵍⵙ ⴰⴷⵖⴰⵔⴰⵏ ⴷ ⵉⵙⴰⵢⵔⵓⵜⵏ ⵉⵊⵢⵓⴳⵔⴰⴼⵉⵢⵏ ⵍⵍⵉ ⴷⴰⵔ ⴰⵜⵉⴳ ⵉⵔⴰ ⴰⴷ ⵉⴼⵔⵏ ⵜⴰⵖⴰⵔⴰⵙⵜ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ ⵍⵍⵉ ⵉⵙⵙⵎⵙⵉⵏ ⴱⴰⵙ ⵅⴼ ⵜⵓⵜⵍⴰⵢⵜ ⵜⵉⵏⴳⵍⵉⵣⵜ ⵍⵍⵉ ⵉⴳⴰⵏ ⵜⵓⵜⵍⴰⵢⵜ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ ⵎⴰ ⴰⵏⵏ ⴰⴼ ⵉⵔⴰ ⴰⴷ ⵉⵣⵣⵓⴳⵣ ⵓⵙⵏⴼⴰⵔ ⵜⵉⴼⴰⵡⵜ ⵅⴼ ⵜⴰⵎⴰⵏⴰⵡⵜ ⵏ ⵓⵙⵏⵉⵍⵙ ⴷ ⵉⵎⵙⵡⵓⵔⵉⵜⵏ ⵉⵎⴰⴳⵓⵜⵏ ⵍⵍⵉ ⵉⵜⵜⴰⵡⵙⵏ ⵖ ⵉⵍⵉ ⵏ ⵓⴱⴰⵔⴰⵣ ⵏ ⵜⵙⴽⵍⴰ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵎⴰⴹⵍⴰⵏ. ⴳ ⵓⴷⵖⴰⵔ ⵏ ⵓⵙⵙⵎⵙⵉ ⵅⴼ ⵜⵎⴰⴳⵓⵏⵜ ⵏ ⵓⴹⴼⴰⵔ ⵏ ⵜⴹⴼⵔⵜ ⵏ ⵓⵜⴰⵔⴰⵎ ⴳ ⵜⵖⴰⵔⴰⵙⵉⵏ ⵏ ⵜⵙⴽⵍⴰ ⵔⴰⴷ ⵉⵙⵉⴳⵍ ⵓⵙⵏⴼⴰⵔ ⴰⴼ ⴰⴷ ⵉⵎⵍ ⵉⵏⴰⵡⵓⵔⵏ ⵏ ⵓⴼⵔⴰⵏ ⴷ ⵓⵙⵏⴼⵍⵓⵍ ⵏⴳⵔ ⵜⵉⴷⵍⵙⵉⵡⵉⵏ. ⵙ ⴰⵢⵍⵍⵉ ⵏⵙⵙⵏ ⵓⵔ ⵉⵍⵍⵉ ⵓⵏⵢⴰⵍⴽⴰⵎ ⴰⵙⴽⵍⴰⵏ ⵓⵙⵔⵉⴷ ⴳⵔ ⵉⵥⵣⵍⵎⴹ ⵏ ⵍⵀⵉⵏⴷ ⴷ ⵉⵥⵣⵍⵎⴹ ⵏ ⵉⴼⵔⵉⵇⵉⵢⴰ ⴷ ⵢⵉⵙⴽ ⵏ ⵉⴼⵔⵉⵇⵉⵢⴰ ⵎⴽ ⴰⵏⵏ ⴰⴼ ⵔⴰⴷ ⵓⵔ ⵉⴷⵓⵍ ⵓⵙⵏⴼⴰⵔ ⵏⵏⵖ ⵙ ⴰⴷ ⵢⴰⴼ ⵜⵉⵎⵏⴰⴹⵉⵏ ⵏ ⵓⵎⵓⵙ ⵏⵖ ⴷ ⴰⵏⵢⴰⵍⴽⴰⵎ ⴰⴷⵍⵙⴰⵏ ⵎⴰⵛ ⵔⴰⴷ ⵉⴷⵓⵍ ⵙ ⵜⵢⴰⴼⴰ ⵏ ⵉⵎⴷⵢⴰⵜⵏⵏ ⵓⵙⵎⵣⴰⵣⴰⵍ. ⵉⴳⴰ ⵓⵙⵎⵣⴰⵣⴰⵍ ⵢⴰⵏ ⵢⵉⵎⵎⵉⵙ ⵉⵃⵢⵢⴰⵏ ⵍⵍⵉ ⵔⴰⴷ ⴰⵖ ⵉⵙⵙⵉⵡⴹ ⵙ ⵡⴰⵡⵜⵜⴰⵙ ⵏⵏⵖ ⵔⴰⴷ ⵏⴼⴽ ⵢⴰⵏ ⵓⵙⴰⴽⴰ ⵢⴰⴹⵏ ⵉ ⵓⵍⵎⵎⵓⴷ ⵏ ⵜⵙⴽⵍⴰ ⵜⴰⵎⴰⴹⵍⴰⵏⵜ ⵍⵍⵉ ⴷ ⵉⵙⵙⵏⵜⵉⵏ ⵜⴰⵡⴰⴷⴰ ⵏⵏⵙ ⵙⴳ ⵉⵙⴰⵢⵔⵓⵔⵏ ⵉⴷⵖⵔⴰⵏⵏ ⵏ ⵜⵙⴽⵍⴰ ⴷ ⵍⵍⵉ ⵢⵓⴼⴰⵏ ⴰⴷ ⵜⵙⵎⴷ ⴰⴱⵔⵉⴷ ⵏⵏⵙ ⵖⵉⵍ ⴰⴷ ⵍⵍⵉ ⵏⵉⵜ ⵉⴷⵓⵍⵏ ⵙ ⵓⵙⵎⵔⵙ ⴰⵎⴰⴹⵍⴰⵏ ⵉ ⵢⵉⴹⵕⵉⵙⵏ ⵉⵙⴽⵍⴰⵏⵏ. ⵎⴽ ⵍⵍⵉ ⵔⴰⴷ ⵉⴽⴽ ⵓⵙⴰⴽⴰ ⵏⵏⵖ ⴰⴷⵖⴰⵔ ⵏ ⵜⵖⴰⵔⴰⵙⵜ ⵉⵔⵅⴰⵏ ⵏ ⵖⵉⵍ ⴰⴷ ⵍⵍⵉ ⵉⵜⵜⵡⴰⵢⴰⵙⴽⴰⵏ ⴼ ⵢⵉⵔⵎ ⵏ ⵡⴰⵎⵎⴰⵙⵏ ⵉⵔⵓⴱⴱⵉⵢⵏ ⴷ ⵜⴰⵎⵡⵉⵏ ⵜⵉⵙⵢⴰⵡⵉ-ⵜⵉⴼⵔⵉⵇⵇⵉⵢⵏ.